Georgian Dream
When EU politicians say one thing, Georgian Dream leaders say another
EU politicians have taken to issuing their own corrective statements following meetings with Georgian Dream leaders.
„CRRC საქართველოს“ გამოკითხვის შედეგების მიხედვით, საარჩევნო გარემო ყველაზე მეტად პრობლემატური უმცირესობებით კომპაქტურად დასახლებულ რეგიონებშია და მდგომარეობა უფრო უარესდება.
2018 წლის საპრეზიდენტო არჩევნები, განსაკუთრებით კი — მეორე ტურში დატრიალებული მოვლენები შესაძლოა, ქვეყნის დემოკრატიული განვითარების გზაზე უკან გადადგმულ ნაბიჯად ჩაითვალოს. პირველ და მეორე ტურებს შორის მთავრობამ განაცხადა, რომ არჩევნების შემდეგ დაახლოებით 600 ათასამდე მოქალაქეს ვალებს ჩამოაწერდა, რაც, ზოგიერთი დამკვირვებლის აზრით, ამომრჩეველთა მოსყიდვად უნდა ჩათვლილიყო. გავრცელდა ინფორმაცია არჩევნების გაყალბების შესახებაც. საერთაშორისო დამკვირვებლებმა ასევე გააკრიტიკეს პარტიების მხრიდან კოორდინატორების გამოყენება.
საქართველოში უკვე ტრადიციადაა ქცეული, რომ საარჩევნო პროცესები ეთნიკური უმცირესობებით კომპაქტურად დასახლებულ რეგიონებში უფრო დაბალი ხარისხისაა, ვიდრე — უმთავრესად ქართველებით დასახლებულ არეალებში. ეთნიკური უმცირესობების საარჩევნო ქცევაში შესაძლოა, სტატისტიკური უცნაურობები ან გაყალბების ნიშნები აღმოვაჩინოთ. ეს რეგიონები თითქმის ყოველთვის ხელისუფლებას უჭერენ მხარს.
ამასთან, როგორც ირკვევა, სიტუაცია, როგორც მინიმუმ, 2016 წლის საპარლამენტო არჩევნებთან შედარებით, გაუარესებისკენ მიდის.
„CRRC-საქართველოსა“ და „ეროვნულ-დემოკრატიული ინსტიტუტის“ 2016, 2017 და 2018 წელს არჩევნებშის შემდგომ ჩატარებულ გამოკითხვებში ამომრჩევლებს შემდეგი კითხვა დაესვათ: „გთხოვთ, გაიხსენოთ, როგორი სიტუაცია იყო საარჩევნო უბანზე და მითხრათ, რამდენად ეთანხმებით ან არ ეთანხმებით შემდეგს:
- მოწესრიგებული იყო;
- გადაჭედილი იყო;
- შემავიწროებელი/შემაშინებელი გარემო იყო;
- არჩევნებზე პასუხისმგებელი პირები კარგად იყვნენ მომზადებულები.“
რესპონდენტებს ასევე ჰკითხეს, შეუმჩნევიათ თუ არა პარტიების კოორდინატორები საარჩევნო უბანთან, რომლებიც ამომრჩევლებისგან პერსონალური ინფორმაციის მოპოვებას ცდილობდნენ.
კვლევის შედეგები აჩვენებს, რომ ეთნიკური უმცირესობებით კომპაქტურად დასახლებულ ადგილებში, რესპონდენტები დაახლოებით სამჯერ უფრო მეტად ამბობენ, პარტიული კოორდინატორები საარჩევნო უბნებზე შეუმჩნევიათ; ქართველებთან შედარებით, ორნახევარჯერ მეტია იმის შანსი, ეთნიკურ უმცირესობებს საარჩევნო უბანზე არსებული გარემო შემავიწროებლად ან შემაშინებელად ჩაეთვალათ, ხოლო ოთხჯერ მეტი იმისა, საკუთრი საარჩევნო უბანი გადაჭედილი ენახათ. ამასთან, ეთნიკური უმცირესობებით კომპაქტურად დასახლებულ არეალებში ქართველებთან შედარებით, რესპონდენტები 14 პროცენტული პუნქტით ნაკლებად ამბობენ, რომ არჩევნებზე პასუხისმგებელი პირები კარგად იყვნენ მომზადებულები, ხოლო 13 პროცენტული პუნქტით ნაკლებია მათი წილი, რომლებიც თვლიან, რომ საარჩევნო უბანი მოწესრიგებული იყო.
ყველა რესპონდენტს ასევე ჰკითხეს: „გთხოვთ, მითხრათ, ჰქონდა თუ არა ადგილი შემდეგს არჩევნების პროცესის დროს?
- ხმის მიცემას ერთზე მეტჯერ („კარუსელი“),
- ამომრჩეველთა ან პარტიის წარმომადგენელთა შევიწროებას,
- ადმინისტრაციული რესურსების გამოყენებას საარჩევნო კამპანიისთვის,
- ამომრჩეველთა მოსყიდვას,
- ზეწოლას კანდიდატისთვის/პარტიისთვის ფულის შეწირვის ან არ შეწირვის მიზნით,
- საჯარო მოხელეების მობილიზებას კამპანიაში მონაწილეობის მიღების/კანდიდატისთვის ხმის მიცემის მიზნით.“
ამ კითხვებთან დაკავშირებით არსებული სიტუაცია ზემოთაღწერილის მსგავსია — ქართველებთან შედარებით, ეთნიკური უმცირესობებით კომპაქტურად დასახლებულ არეალებში გამოკითხული რესპონდენტები უფრო მეტად გვიამბობენ პრობლემების შესახებ. ერთადერთი, რაშიც ქართულ და უმცირესობების დასახლებულ პუნქტებს შორის (სტატისტიკურად მნიშვნელოვანი) სხვაობა არ დაფიქსირებულა, კანდიდატისთვის ან პარტიისთვის ფულის შეწირვის მიზნით ზეწოლა გახლდათ.
როგორც მონაცემები გვიჩვენებს, პრობლემები საარჩევნო პროცესებისას ეთნიკური უმცირესობებით დასახლებულ არეალებში იზრდება. აქ 2016 წლიდან 2018-მდე გასამმაგებულია იმ ადამიანთა რაოდენობა, რომლებიც საარჩევნო უბნებზე არსებულ გარემოს შემავიწროებლად თვლიან; გაორმაგდა მათი წილი, რომლებიც უბნებზე არსებულ ხალხმრავლობაზე მიუთითებენ, ამასთან, 2016 წელთან შედარებით, 2017 წელს უფრო ნაკლები ადამიანი თვლიდა, რომ საარჩევნო პროცესები მოწესრიგებული იყო.
ქართველებით დასახლებულ არეალებში 2017 წლიდან 2018 წლამდე შემცირებულია მათი რიცხვი, რომლებიც დადებითად აფასებენ საარჩევნო მოხელეთა მზადყოფნას. საარჩევნო უბნები ხალხმრავლად უფრო ნაკლები ამომრჩეველი თვლის. უცვლელია მათი პროპოცია, რომლებიც საარჩევნო პროცესს მოწესრიგებულად ან შემავიწროებელად თვლის.
2018 წლის საპრეზიდენტო არჩევნებმა მრავალი პრობლემა გამოაჩინა. მართალია, ეთნიკური უმცირესობებით კომპაქტურად დასახლებულ არეალებში არჩევნებს დარღვევები ყოველთვის ახლდა, თუმცა, როგორც ვხედავთ, სიტუაცია 2016 და 2017 წლებთან შედარებით, გაუარესებულია.
Related Articles
Analysis
Explainer | Meydan TV becomes Azerbaijan’s latest independent media outlet to be repressed
Azerbaijan’s crackdown on independent media continues with the arrest of seven of Meydan TV’s journalists and freelancers on charges of smuggling and supporting Armenia. The campaign against Meydan TV began on 6 December with the arrest of journalist Ramin Jabrayilzada, also known as Deko. According to Jabrayilzada’s lawyer, Nemat Karimov, his client was stopped on his way home from the airport. Police confiscated his funds and claimed he had brought an illicit amount of currency into th
2024 Georgian Parliamentary Elections
Explainer | After a month of simmering protests, Georgia erupted: why now?
At a moment when it appeared as if demonstrations against electoral fraud and democratic backsliding had fallen into a feeling of bitter acceptance, protests in Georgia exploded suddenly on 28 November after Prime Minister Irakli Kobakhidze announced the government was suspending its bid for EU accession until 2028. But why did the government choose to take such an unpopular move? And why was this the trigger for such mass discontent? In Tbilisi and other cities and towns across the country
AbzasMedia
Explainer | One year on in Azerbaijan’s crackdown on independent media
November 2023 was a black month for journalists working for Azerbaijan’s independent media outlet and OC Media partner AbzasMedia, marking the beginning of a renewed crackdown against independent media. On 20 November 2023, police raided the offices of AbzasMedia, claiming to have found €40,000 ($44,000) in cash during their search. Earlier that day, both the media site’s director, Ulvi Hasanli, and its deputy director, Mahammad Kekalov, were detained at their homes. Hasanli alleged that he
Most Popular
Subscribe to our newsletter
